Аб міжнародных мерапрыемствах арганізаваных Агенцтвам па абароне дэпазітаў Кыргызскай Рэспублікі з удзелам прадстаўнікоў ДУ "Агенцтва па гарантаванай кампенсацыі банкаўскіх укладаў"

У рамках міжнародных мерапрыемстваў, арганізаваных Агенцтвам па абароне дэпазітаў Кыргызскай Рэспублікі ў г. Бішкек з 19 лютага па 20 лютага 2025 года прадстаўнікі дзяржаўнай установы "Агенцтва па гарантаванай кампенсацыі банкаўскіх укладаў (дэпазітаў) фізічных асоб" (далей – агенцтва) прынялі ўдзел у пасяджэннях Савета кіраўнікоў арганізацый па страхаванні ўкладаў дзяржаў – членаў ЕАЭС (далей – Савет кіраўнікоў), экспертнай групы па пытаннях гарманізацыі заканадаўства ў сферы страхавання (гарантавання) банкаўскіх укладаў (дэпазітаў), ліквідацыі, фінансавага аздараўлення і банкруцтва крэдытных арганізацый на тэрыторыі ЕАЭС пры Кансультатыўным фінансавым рынкам Еўразійскай эканамічнай камісіі (далей – Экспертная група), а таксама рабочай групы па ўзаемадзеянні ў сферы цыфравізацыі, аўтаматызацыі і інфармацыйных тэхналогій пры Савеце кіраўнікоў арганізацый па страхаванні (гарантаванні) банкаўскіх укладаў (дэпазітаў) дзяржаў-членаў ЕАЭС (далей – Рабочая група).
У ходзе пасяджэння Савета кіраўнікоў адбыўся абмен інфармацыяй аб сітуацыі ў банкаўскім сектары, сістэмах страхавання (гарантавання) укладаў (дэпазітаў) дзяржаў – членаў ЕАЭС, а таксама Рэспублікі Узбекістан, заслуханы даклад прадстаўніка Дэпартамента фінансавай палітыкі Еўразійскай эканамічнай камісіі аб ходзе гарманізацыі заканадаўства ў сферы фінансавых рынкаў і пачатку працы над узгодненымі прапановамі па гарманізацыі заканадаўства дзяржаў членаў ЕАЭС у сферы стварэння і функцыянавання сістэм страхавання ўкладаў насельніцтва, а таксама абмеркаваны пытанні стварэння і выкарыстання інфармацыйнага партала ЕАЭС аб абароне дэпазітаў.
У ходзе пасяджэння экспертнай групы абмеркаваны шэраг экспертных заключэнняў, звязаных з гарманізацыяй у сферы страхавання ўкладаў, а таксама структура праекта ўзгодненых прапаноў па гарманізацыі заканадаўства дзяржаў членаў ЕАЭС у сферы стварэння і функцыянавання сістэм страхавання ўкладаў насельніцтва.
У ходзе пасяджэння Рабочай групы адбылося абмеркаванне і абмен вопытам па пытаннях забеспячэння бесперапыннасці даступнасці электронных паслуг міжнародных арганізацый па страхаванні ўкладаў.